Translate

2017年6月13日

神級化妝袋

相信好多化妝師同攝影師對Artisan & Artist都唔會陌生,因為佢地嘅相機產品同化妝工具响日本都係神級嘅極品。

有幸因工作關係而接觸到Aristan &Artist,用過佢地嘅日本手製化妝掃,確實好高質素,用心打理一定可以用到好多年的。不過今日想分享嘅,係呢個小小化妝袋帶來嘅驚喜。

稱得上係神級,當然除左用料上乘之外,功能係更令人最讚嘆嘅地方,好想比個讚日本人嘅細心,實在貼心照顧到女士嘅日常需要,內𥚃嘅一流間格,可以非常整齊咁放哂補妝用到嘅唇膏、蜜粉、化妝掃等用品之餘,我個人最喜歡佢拉鍊位設計,因為可以打開哂個袋,平放響一個細小地方上面,完成整個化妝流程,非一般袋仔或普通化妝袋可媲美。真心Like! 

Thanks to Cherry and Morna!!



2017年5月13日

懶人の肌膚保養

自從生咗B之後,地獄式嘅餵奶氹B訓覺、餵奶氹B訓覺、餵奶氹B訓覺⋯⋯真係光陰似箭⋯⋯

加上坐月真係坐得唔多好呀,所以不斷係咁病。終於直到個女過咗一歲,我先覺得自己似番個人!簡直有重生嘅感覺!🤣

有經驗嘅媽媽會明白,或者會疑問,照顧住一個初生嬰兒,連訓覺都無時間嘅情況之下,仲去邊度搵到時間䕶理皮膚呢?

哈哈!我咁貪靚嘅人就自然會諗到方法啦!

響呢度好想同大家分享一下,我缺乏時間下的肌膚保養程序:

每天早上:

1. 我會先用棉花及礦泉水洗臉(基本上如果有乾淨嘅被舖同你有洗乾淨個頭嘅話,係唔需要質疑張臉是否乾淨)

2. 隔一兩日左右,我都會先敷番個三合一嘅Saborino 60秒懶人Mask. 

3. 而無論響屋企抑或出外,我一定會搽防曬產品。

晚上:

4. 無論有無上妝,我都會好認真咁潔面。

逢二、四、六,我都會於洗澡洗面後敷保濕Mask。(任何paper Mask, water sleeping pack 都ok)

敷完mask一定要搽番啲Lotion,保持滋潤。

點解要二、四、六呢?因為易記吖嘛,😂要確保自己真係記得理下自己。逢一、三、五我會浸下腳、浸下浴、或者做下Body、整下甲。

記得要錫自己多啲呀!❤️

2016年2月3日

懷孕期間乾燥皮膚急救


由於太多Baby東西要準備,加上常常覆診,又入下院咁,慢慢已經少咗打理自己,連一星期一次的自家Facial treatment 習慣都經已被遣忘了。

最近通常是注意到自己肌膚乾燥才急忙敷個Mask (反面教材⋯⋯)應該要乖乖定期做保濕Mask,保持肌膚有足夠水份才是個漂亮媽媽呢。但緊記不能敷美白面膜,所有美白產品也切忌使用哦!

幾種常見的護膚產品成份,在懷孕期間是需要避免的,例如:含維A酸、水楊酸、激素、果酸的產品等。

今次我使用的是Olay Nourishing Hydration Mask 水凝修護面膜。雖然不是太貼我的臉型,但總算可以敷埋眼仔,而且保濕效果十分稱職,值得比個讚。

再加料搽埋Water Sleeping Pack瞓一覺之後,急救成功了!



2016年1月15日

準備BB用品



希望能夠在農曆新年之前準備好哂BB嘅用品,所以已經開始洗衫仔被仔了,見到成間房都係BB嘢,感覺越來越實在,心情日漸興奮呢!

一直不斷從書籍、網上及朋友口中得知該準備的大大小小嬰兒用品,發覺其實有很多是非必要的,去蕪存菁之後,現在和大家分享一下我的精選必備如下:

1. 浴盤、嬰兒沐浴及洗髮露(最好是天然有機的)

2. 潤膚露(秋冬必備,以免寶寶爆哂拆先來心痛)

3. 大毛巾(兩條以上,質量較佳的,預先洗淨確保無甩毛)

4. 小毛巾及紗巾(抹面及餵奶用,大量,約20條,洗唔切都夠用)

5. 尿片、棉花棒、濕紙巾(最好連盒,比較方便)

6. 和尚抱(即是綁繩的底衫,比過頭笠的好,約十件八件)

7. 當季的被和包被

8. 手套、腳套、連身衣、帽仔(數量個人喜歡,十零廿套左右,不用太多,好快就會唔啱著)

9. 嬰兒洗衣液(所有用品必須預先洗淨才用哦!!)

10. 奶瓶、奶瓶消毒器(必備,不論你是餵母乳抑或是奶粉)

11. 奶瓶/蔬果洗滌劑

12. 奶粉和奶粉格(一早格定,比每次開蓋拿奶粉沖奶好,特別是天氣潮濕時)

13. 嬰兒床、床上用品(最好用埋床圍,安全一點)

14. 嬰兒揹帶(而家興用布包,不過我還是比較欣賞傳統的,功能性較佳)

15. 手推車、雨擋(初生嬰兒一定要可以平躺的功能)

P.S. 以上是我準備好的,有漏再後補給大家了😆

2015年12月20日

孕婦保濕之選

開始懷孕之後,化妝扮靚也額外小心,除了嚴禁塗指甲油、唇膏之外,所有面霜也希望更換比較溫和的產品。



走遍港九,最終決定試用標榜孕婦適用的ATORREGE AD+,由於種類繁多,我先試用了乳液,以HK$300 80ml的價格來說,屬於抵用之選。它質地輕薄、不油不膩,很適合夏天使用;





轉季以後,我再加了MISSA THE REVOLUTION 的 The First Treatment Essence 作為肌底液,保濕效果就更加明顯了!這個系列不含水楊酸,孕婦也可以安心使用喔!